Hair Complexe Oil Review

السلام عليكم ورحمه الله وبركاتهعدنا من جديد و ريفيو جديد على منتج سمعت عليه الكثير وضجه كبيرة خلاتني نقنع الزوج ديالي يجربو.هاد المنتج هو الهير كومبلكس اويلالمعلومات كلها عليه والمكونات وحتى طريقة الاستخدام غتلقاوها فالصورة التاليه:

شفت بزاف لي كيشكروه وبانه منتج سحري للشعر،قررت انه التجربة تكون على الزوج ديالي بحكم ان الشعر ديالو كيتساقط و غادي فالصلع.اولا قبل مانهدر على المنتج فالزوج ديالي الحمدلله ماعندو حتى مشكل داخلي او مشكلة صحية اللي يسبب تساقط الشعر

،المنتج كيجي فقرعه او علبة زجاجيه فيها 30ملوكتجي فيها فحال مصاصه لي كتسهلك الاستخدام باش تاخد فقط القطرات اللازمه للاستخدام.الزيت جربو لمدة تزيد على 3شهور،كيديرو كل ليله قطرات على الاماكن اللي كيتساقط منها الشعر و كيدير مساج حتى كيدخل الزيت فالفروة ديال الشعر،وكيغسل الشعر ديالو كل 2او3ايام. النتيجه:ماشفت حتى فرق فالشعر والتساقط مستمر رغم انه كان ملتزم باستعمال المنتجملقيتش ما نقول اكثر من غير ان المنتج لو يستوفي الوعود ديالو،وبالنسبة للزوج ديالي فهو غير راضي على تجربته مع هاد المنتج .يمكن الملاحظه الايجابيه اللي لاحظت فالمنتج هو ان الشعر كيطوال بسرعة .هدشي بالنسبه للتجربة الاولى اللي كانت على شعر الرأس.كانت تجربة ثانيه وهاد المرة على اللحيه ديالوالزوج ديالي كان مر بفترة صعبه فالعمل ديالو وكان فيها توثر و اعصاب الشي اللي خلاه تضهرلو الثعلبه او فراغات فاللحية ديالو واللي كتجي من الثوثر والقلق.استعمل الزيت كل ليله على المكان اللي مبقاش فيه الشعر مع مساج خفيف،وهاد المرة على خلاف التجربة الاولى الشعر رجع طلع واللحية ديالو رجعت عاديه الحمدلله كيف قبل.طبعا مع استعمال الزيت وحتى التوثر مبقاش كيف الاول👍بصراحه الرأي ديالي فالمنتج مابين 👎والشعر الرأس بقا كيف هو مكاينش تغيير ولكن فاللحيه كان التغيير كبير.فهاد البوسط نقلت لكم التجربة ديال الزوج ديالي انا  ماجربتوش بنفسي وعلى شعريبغيت نشارك معكم رأيي الصريح و نتمنى نكون افدتكم.

[REVUE] :غسول مقشرGel Exfoliant من Narimane Cosmetics

السلام عليكم ورحمه الله وبركاته

عودة جديده للمدونه وهاد المرة ريفيو جديد على منتج هادي فترة وانا كنجربو.
المنتج هو عبارة عن جل مقشر للوجه"حسب الماركه"
المفروض انه كيدير تقشير للوجه وكينظفو فنفس الوقت
المنتج مكوناته:
تقريبا الريحه اللي طاغيه على المنتج هي الخزامى وهي اللي شميتها اول مافتحتو.

نجيو لرأيي الشخصي
أولا انا محسيتش انه مقشر،حيث الحبيبات اللي فيه قليله ومكتدير والو،"الجل" ماشي جل ،القوام ديالو ابدا ماشي كيف تخيلت منين بغيت نشريه

كنحس بيه لزج ومكيديرش رغوه يعني ماشي صابون!!
بالنسبه للتنظيف زوين كينظف ويخلي البشرة نقيه ولكن بدون تقشير ،استخدامو كغسول فقط
معرفتش واش اعجبني او لا حيث معجبنيش القوام ديالو و مكيعجبني نستخدمو بالايد ديالي كنديرو فالفرشه ديال السيليكون.
بصراحه من المرات النادرة اللي كنلقا منتج كيجيني غريب ههه .
بالنسبالي شخصيا غير نساليه مغديش نرجع نشريه،ولكن ايلا كنتو كتقلبو على غسول منظف للبشرة بدون رغوه كنصحكم بيه وخصوصا انه مكيخليش البشرة جافه بعد الاستخدام.
هذا كان رأيي وريفيو اليوم
نتمنى موضوعي يكون افادكم شويه

زيت الاركان,بودرة الاركان,الزيت الاساسي ديال الخزامى والبابونج.

بالنسبه للسعر 150درهم

Topicreme Eau nettoyante douceur

السلام حبيباتي

كيعجبني الحال منين كنجرب منتج و كنلقاه ممتاز و يستاهل نشاركو معكم.

هاد المده الاخيرة بديت نجرب هاد المنتج من Topicreme.

هاد الماركه اخترعها رجل اللي كان كيعاني مع بشرة ابنه الحساسه والجافه اللي كان كيرفض ترطيبها بحكم الكريمات اللي مكتمتصهمش البشرة وكتكون ثقيله على بشرته .. الاب كان عندو مختبر طبي وقرر انه ينتج منتجات اللي تكون ترطيبها قوي ،خفيفه وكتمتصها البشرة بسهوله

المنتج عبارة عن مياه منظفه للوجه والعيون خاصه بالبشرة ،الحساسه يزيل المكياج ومكيحتاجش تغسلي وجهك من بعدو.

تقدري تستعمليه للاطفال كما للكبار.

بالنسبه للتجربة ديالي،عجبني بزاف يزيل المكياج من العين والوجه مزيان مكيخليش ليا اثر للماسكرا او اي نوع من المكياج.

وانا كنت كنعاني دائما حتى من بعد ما كنظف المكياج كنلقا عيني فالصباح بحال عيون الباندا.

مكيديرش الم فالعين ومكتحسيش بانكي استعملتي منتج ثقيل على البشرة اللي كيخلي عليها طبقه،بالعكس بحال ايلا غسلتي وجهك بمياه غير هي مياه منظفه و خفيفه على البشرة والاكيد مناسبه للبشرة الحساسه 

(بشرتي مؤخرا اصبحت حساسه جدا على غير عادتها).

المنتج مدارش ليا اي حساسيه او حبوب فوجهي.

رأيي فيه هو انني فرحانه بهاد المنتج اللي عجبني بزاف و كنصحكم تجربوه خصوصا البنات اللي بشرتهم حساسه وبغيتو منتج يلائمها ويكون مصنوع خصيصا ليها.

نشوفكم فموضوع اخر قريبا

Xoxo

السلام عليكم ورحمة الله وبركاته

من فترة شاركت معكم منتجات توصلت بيها من ضمنها هاد الواقي من الشمس من ماركة سيتافيل.

أول مرة نجرب هاد الماركة اللي كتقدم مجموعة كبيرة للعناية بالبشرة وسمعت عليها بزاف.

هاد الواقي من الشمس كيحمي من الاشعه فوق البنفسجيه أ والاشعة فوق البنفسجية ب،يعني كيقدم وقاية جد عالية من اشعة الشمس ،مكسببش الحساسيه ومفيهش عطر ومقاوم للماء كذلك.

بالنسبة لتجربتي نقدر نقول عليه زوين بزاف،اولا الحماية موجودة وخصوصا ايلا احترمتي الاستعمال.

الزوين فيه انه مكيزيتش البشرة ومكتحسيش بوجهك كله ذهون و كيلصق.

بالعكس كتحسي بيه خفيف على البشرة،فالاول ملي كنديرو كيجي فحال طبقة بيضاءولكن غير كيفوت شوية الوقت كيتشربو البشرة وكيرجع شفاف.

مدارليش لا حساسية ولا حبوب،وعادي كنستعمل فوقه المكياج ميتحركش.

الصراحة عجبني بزاف واكيد غنرجع نشريه مرة اخرى

نعطيه 9/10

ونتوما واش سبق وجربتو هاد الماركة؟شنو رايكم فمنتجاتهم؟

كريم و سيروم ب Vitamine C من Racine Vita

اهلا وسهلا حبيباتي

من فترة شاركت معكم المنتجات التي توصلت بها من ماركة racine vita

هادالماركة منتجاتهم زوينين بزاف 

سبق وشاركت معكم كذا منتج سواءا هنا او على انستغرام او فيسبوك

هاد النهار غنشارك معكم جوج منتجات بفيتامين سي،اللي اخدت وقتي الكافي فتجربتهم باش نعطيكم رأيي الصريح فيهم.

أول منتج هو سيروم .

المنتج غني بفيتامين سي و 

Acide Hyaluronique و فيتامين E.

السيروم كيحارب علامات الشيخوخه يعني التجاعيد وكيساعد على انتاج الكولاجين، كيخفف من البقع الداكنه واثار الحبوب و كيعطي اشراقه للوجه وكيفتح لون البشرة كذلك

عجبني بزاف هاد المنتج حيث غير كنستعملو كنحس بواحد الانتعاش فوجهي وكيعطي اشراقه واضحه للوجه.

على المدى البعيد اكدلي انه كيحيد البقع السوداء وكيخفف منها .

بالنسبة للتجاعيد منقدرش نأكد هدشي.

المنتج الثاني هو كريم من نفس مجموعة السيروم واللي حتى هو كيحتوي على فيتامين سي 

تقريبا كيقوم بنفس عمل السيروم غير زيادة عليه كيرطب ويغدي البشرة.

انتهيت من اول علبة منه تقريبا ونقدر نقول انه اعجبني حيث كنحس بالترطيب ديالو قوي و كيعطي إشراقة للوجه.

يمكن الحاجه اللي معجبتنيش بزاف فيه هو انه شوية ثقيل خاص تصبري شوية باش كتشربو البشرة مزيان.

انا كنديرهم بجوج فمرة، وكيعجبني المزيج ديالهم و الاحساس اللي كيعطيو للبشرة ديالي.

خصوصا انه بشرتي دازت بمرحلة كانت جافة وكنت محتاجه منتجات للي ترطيبها عالي .

عموما منتجات هاد الماركة اغلبها زوينبن بزاف و عند الوعد ديالهم والسعر فالمتناول.

تقدرو تلقاوهم ف Parapharmacie.